A Ruta Xacobea é cada vez máis universal. Boa proba diso é a recentemente constituída Fraternidade Internacional do Camiño de Santiago, de ámbito mundial e que aglutina a especialistas de países como Estados Unidos, Xapón, Brasil, Colombia, Italia, Alemaña, Francia, Portugal e España, entre outros. A entidade terá a súa sede en Compostela, concretamente na Cidade da Cultura, onde foi presentada oficialmente o pasado día 27 de marzo.