A S.A. de Xestión do Plan Xacobeo informa que, mañá día 4 de xullo de 2013, ábrese ao público un novo albergue de peregrinos situado na localidade de Bandeira, Concello de Silleda (Pontevedra).
Con este novo establecemento, os peregrinos que fagan o Camiño do Sueste – Vía da Prata contarán con doce albergues no tramo galego desta ruta de peregrinación.
O albergue está situado na rúa Lourdás, conta con 36 prazas e pon a disposición do peregrino todos os servizos habituais nos establecementos da Rede de Albergues da Xunta de Galicia.
