Situada no Concello de Boimorto (parroquia de Boimil – xunto ao albergue de peregrinos de Boimorto), é un importante conxunto industrial con singular valor arquitectónico e etnográfico, activo dende finais do século XIX e abandonada a finais do século pasado.
A Telleira de Baiuca constitúe o mellor exemplo para ilustrar a evolución dos procesos fabrís de Galicia dende unha produción tradicional e artesanal cara a unha produción industrializada.
